أم حسن بذبخته ويا ذكرياتها

بسم الله الرحمن الرحيم

السلام عليكم ورحمة الله وبركاته

مساكم الله بالخير جميعا

جحوالكم وش خباركم أن شاء الله بخير

أم حسن وي بوحسن شوفو شو صار وياهم ..

بو حسن ياحرمة ماقولش أسكني واقعدي مكان واحد ليش ماتسميعين الحجي والقول ..

أم حسن يابوحسن هذا فريجي وربعي الي تعودت على زيارتهم واطمن عليهم وأسير الضحى لبنت

النوخذة أسلم عليهم .. وأم يوسف من مدة واعلي عليه قالوا مريضة ...

بوحسن أذيتنيه وي بنت النوخذة وأم يوسف وخجو و زليخو وعاشو ال أنتو يالحريم بتشردون الريايل من

دوارتكم ..

يوم تقولين فلانه مربيه والده بتزورينها يوم بنت النوخذة مسويه يمعت حريم ويوم مول مابتخلصين من

الأدوارة والجوليك فالفريج وعباتش على راسج ماتسكنين مكان واحد ..

جوفي كلام يوصلش ويتعداش لو مابتقعدين وتسكنين مكان واحد جلي أثيابج وسيري بيت أبوش ..

أها خذتها العبرة أم حسن وقعدت في الليوان وحط يدها على خدها وقعدت تتذكر الايام الي مرت عليها ..

http://www.3sl3.com/up/upfiles/6ak20395.jpg


قعدت تتذكر يوم عرسها ومتعدله ومجحلة والذهب لابستنها وزفوها على بوحسن ..

http://www.3sl3.com/up/upfiles/w8N20395.jpg

شوفوها أم حسن أيام شبابها ..

وبعدين صدت صوب باب الحجرة الميلس الي الحريم أيون الها الضحى ..

بنت النوخذة وخجو وزليخو وعاشو وأم يوسف يقعدون يخيطون الملابس ويسون التلي ..

http://www.3sl3.com/up/upfiles/kOh20395.jpg

وبعدين تذكرت صندوق دزتها الي يابوها الها زهبتها الكندورة أم التلي والسروال التلي

والاجحال وملفع المنغد وغيرها متروس الصندوق

http://www.3sl3.com/up/upfiles/qSp20395.jpg

وصدت صوب الليوان من جهة اليمين وشافت القعدة الي يتفاولون فيها التمر وي القهوة عقب مايخلصون

شغلهم ويرتاحون ويسولفون ويضحكون ...

http://www.3sl3.com/up/upfiles/N1q20395.jpg

وجابلت الحوش وتذكرت حسون لما ولدته ولليلة ولادتها وي الدايه أم علي وتيود الانوار وتبي تولد

وعقب ماولدت سوت الها الصخون الجلاب ..

هذا حسون ..

http://www.3sl3.com/up/upfiles/g8e20395.jpg


وهاي ميرحنة حسون الي مرزوزة بالحوش يلعب فيها الضحى وظهر النهار القايلة ويركض ورا الدياي في

الحوش

http://www.3sl3.com/up/upfiles/4pI20395.jpg

وتذكرت حسون وي ولد الفريج يلعبون تيلة ..

http://www.3sl3.com/up/upfiles/x3d20395.jpg

وأهنى حسون وي ولد الفريج ووي يسفو وحمود يلعبون

http://www.3sl3.com/up/upfiles/2wv20395.jpg

خذتها العبرة وقعدت تبجي لما عينها طاحت على مطبخها وتذكرت وأهي قاعدة على الجولة أم بمب تطبخ الغدا

http://www.3sl3.com/up/upfiles/28620395.jpg

http://www.3sl3.com/up/upfiles/Mfn22210.jpg


ورحايتها الي تطحن عليها حب وتسوي هريس تندب صحن لبنت النوخذة وصحن لام يوسف وتنهم على ولد

الفريج هاي تعال ود لبيتكم هريس

http://www.3sl3.com/up/upfiles/W1O22210.jpg

وخصف التمر الي يندبه الهم من بيت النوخذة بوصقر الله يطول بعمرة مايقصر لحزة زكاة النخل أخر الموسم

يسون تمر ويوزع على الفريج وعلى كل محتاج ...وتحط من التمر الخستاوي في الناخريه لبوحسن واهو

ساير السمج ولا مسافر في البحر بس مايبين في عينه ..

http://www.3sl3.com/up/upfiles/CO922210.jpg

http://www.3sl3.com/up/upfiles/NUf22210.jpg


وشافت بلاصي الطريح وتذكرت المجبوس الطريح الي تسويه وتحطه الظهر للغدا وي بوحسن وحسون ياكلون

وتفلق راس البصل الأرويد والكحكيز واللومي من شيرة بيت ولد الرمس فيها لوميه متروسة وتوزع أم ولد

الرمس فيد ولد الرمس ليرانها وماتنسة أم حسن ..


http://www.3sl3.com/up/upfiles/UBC22210.jpg

وش بتقول وش بتتذكر حياتها من أولها لحد هاليوم قضيت و أيام ماننسى وهم بوعيالها بو حسون ..


السموحة منك ياخوي ولد الفريج اليوم خذيت مكانك في الخروفة

الله يعطيك العافية ويبارك فيك

أشوفكم وي سالفة يدية وأم حسن وبو حسن .

:154::154::154::154:

بارك الله فيج

ماشاء الله عليج اختي عبير كفيتي و وفيتي.سالفة روووووووووووووعة و صور اروع.و يسعدنى انضمامج لفريجنا اذا دخلتي فريجنا صعب تطلعين منه . نبارك لام احسن لانها اصبحت شخصية المنتدي:bubu: .

ما شاء الله ابدعتي
خلاص بنسميج بنت الفريج هههه
مشكوره ولاهنتي ع القصه المأثره :)

الله يعطيج العافية اختي عبير

سوالفج حلوة وتنونست بقرايتها

بس كأنج نسيتيني ولاكأني معاكم فالفريج:cipollinoincazzatou

ويعليها ام حسون تبجي علي الذكريات المر و الحلوه الي عاشتها مع بو حسون


يعطيج ياختي الغاليه عبير قصه روعه

بس صبري علي جن مارديت علي بو حسن


لي رجعه

الصراحه ابدعتتي اختي الكريمه عبير دبي

اشكرج اختي ع القصه الجميله

لج تحياتي

ههههههههههههههههه والله و ام حسون و بوحسون صاروا من الاساطير

يعني شو بيطلع الموضوع يوم يتقابل الابداع و الاصاله؟؟؟

يعطيج الف عافيه اختي عبير دبي و ماشاءالله عليكم انتي و ولد الفريج مبدعين


تحياتي و احترامي لج

كل الشكر والتقدير اتقدم به لجميع من شاهد وقرا الموضوع ورد عليه

هذا تشجيعكم يحمسني على التفكير بسالفه وخروفة ثانيه

الله يعطيكم العافيه ويبارك فيكم

لا ياخوي الحوسني مب ناسينك أن شاء الله لو كتبت قصة ثانيه بتكون أنت من ظمنهم لا تزعل

كلش ولا زعل الاخوان علينه في عرب الساحل

خخخخخخخخخخخخخخخخخخخخخخ

سلط الله علی ابلیسج یاا ام حسن وصلتی کل هالاغراض المنتدی متی عااد


و اناااااا اقوول لیش الشاایب و العیووزه محتشرین ف السکه الیووم و شایلین الفریج ع رااسهم

سمعت بوحسن یقول سودیتی ویهی یامسوده الوویه مااخلیتی اسرار مااطلعتیهاا

کل هالاشیا خاشنهه لمرتی الیدیده مو ماالج خخخ

یاااااااااسلااام علیج والله یااخت عبیر ابدعتی الصرااحه سووالف جمیله و صور احلی

بدااایه جممیله ااکید و طرح ممیز یااااااااااااااااااابنت الفریج

یالله بانتظاار سوالفج الیاایه و ام حسن و بووحسن نجووف شو بیسوون هالمره

ربی یعطیج العاافیه ع مااتقدمینه و مااقصرتی

تحیااتی ولد الفریج

ام حسن تصيح في الفيرج تقول و تجمعو عليها عيال الفريج الي في المنتدي تسكتي لهم

تفول ياويلي ياعيالي انا تغبت و شقيت لما بو حسون وقف علي اريول و استوا ريال


كنت اروح ايب الحطب علي راسي من اليبل

http://www.3sl3.com/up/upfiles/2yO58709.jpg


و ارجع البيت و بعد اروح الطوي ايب الماي من الطوي و اصب في المدانه حتي بيل ريج ماي بارد



http://www.3sl3.com/up/upfiles/hfS58709.jpg


http://www.3sl3.com/up/upfiles/u9V58709.jpg


http://www.3sl3.com/up/upfiles/H5J58709.jpg


و ادموعها علي خدها تبجي علي اللي سوا فيها بو حسن


و اخرتها يفر اخصافتي برع في السكه

يقولي شيلي قشش و طلي عن بيتي السانج طويل ها منج

هذي السوالف الشعبيه والتراثيه الجميله سوف تبقى ذكريات جميله انتهت لكن تبقى في هذا المنتدى يقرئها ابنائنا ويفهمون مغزا هذي السوالف ومنها يتعرفون على ما ضي اسلافهم كيف كان تسوده الالفه والمحبه على الرغم من الادوات البدائيه وعلى الرغم من جولت ام بامب التي اذا خربت تشعل وتحرق وجهك على الرغم من كل هذي الظروف الا انهم ما ياكلون اللقمه الي يطبخونها عن ربعهم وجيرانهم ويتعلمون منها كيف كانت الزيارات بين الاقارب وجلسات الضحى وتجمع الناس عند بعض العصر وكانت قلوب صافيه تسودها المحبه فانا معجب بما يقدم من تصوير عيشت ايام اول على صيغة سوالف وقصص في النهايه الف الشكر لج اختي الكريمه عبير دبي على هذي السوالف الجميله

تسلمون وماقصرتوا على التواجد والردود الرائعة

يعطيج الله العافيه

الله يعافيك ياخوي مشكور وماقصرت منور الموضوع

شکراً اختی عبیر
موضوع رائع

عفوا ياخوي منور الموضوع بتواجدك وردك بارك الله فيك وعساك على القوة