ياكثرهم .. لا قلت لك .. عرفة وجيه___وياقلهـم .. لا قـلـت .. قــدر ومـعـزه
رجـلٍ .. تعـزه بعـد ماتلتقـي .. فـيـه___ورجـلٍ .. قبـل ماتلتقـي بـه .. تعـزه
ورجـلٍ .. تـرزه بالمجـالـس مبـاديـه___ورجـلٍ .. فلوسـه بالمجـالـس تــرزه
ورجلٍ .. يموت ولا يجيبـون طاريـه____ورجل ٍ .. يجي طاريه فـي كـل حـزه
ورجلٍ يهزه .. بعض موقف ويشقيه_____ورجلٍ .. مهوب أيّـات موقـف يهـزه
ورجلٍ .. ضعيف .. ويستفزه معاديه____ورجــلٍ .. كــلام اعــداه مايسـتـفـزه
ورجلٍ .. تلزه يعترف لـك .. بخافيـه_____ورجـلٍ .. علـى خافيـه .. محـدٍ يلـزه
ورجلٍ .. يوزونه .. ويزعـل بنيخيـه_______ورجلٍ .. يزعّـل مـن يحـاول ، يـوزه
ورجــلٍ تـكـزه لا زم انـــك تـوصـيـه______ورجـلٍ .. بليّـا مـا توصـيـه .. كــزه
مــن لا فــرش للمـرجـلـه ماتغـطـيـه____ومن لايخز .. النـاس .. محـدٍ يخـزه
ان كنت تعرفني فهي .. عرفة وجيه___مو شرط لـك بالقلـب قـدر .. ومعـزه
\
/
راقت لي