** طـــلـــعـــة الــبـــر **

[عبير دبي]

بسم الله الرحمن الرحيم

السلام عليكم ورحمة الله وبركاته

والبر يامحلى على البال طاريه******** عقب المطر يازين شوفه وممشاه

يرتاح بال اللي المشاكل تباريه******* والبر يجعل شايل الهم ينســــــاه

ويازين شوف الروض والغيث واطيه***** ريح النفل مع الخزاما تعـــــــداه

ويا ماحلى شوف القطا في مفاليه***** مع الصباح وزاهي الروض غطاه


هلا وغلا ومرحبا بالجميع ...

طلعت البر والجو بارد عجيبة لو مانزل مطر ولا أخضرت الأرض ...

تغير وترويح عن النفس والعيال يستانسون وهم الكبار ..

الجمعة طلعنا للبر بتاريخ 14 ــ 1 ــ 2011 م ــ

طبعا كالعادة لازم ناخذ صور ويشوفونها الأعضاء وهم نحتفظ فيها للذكرى ..






























مع السلامة وفمان الله ونشوفكم على خير أن شاء الله ...

[الخياط]

ما شاءالله
صور رائعة وطلعة جميلة وجدر كبير ومجبوس حار وحلو
بس ليش الولد معطى الكيمرة ظهر شو ما يبى حد يشوفة ؟؟ههههه
احسنتى اختى وربنا يوفقكم ويدوم عليكم السعادة
نسأل الله العلى القدير ان يغيثنا
مع التحية

[بوحمدان الخالدي]

ماشاءالله طلعه حلوه و صور رائعه و تقرير ازقرتي تسلمين اختي عبير دبي و الله يعطيج العافيه

[الرحال]

صور جميله ورحله اجمل يعطيج العافيه عبير دبي

[وليد جابر آل بوخلف]

رحلة و صور جميله يعطيج العافيه اختي عبير دبي على المجهود

تحياتي

[كحيلآن الحمادي]

لاهنتي اختي عبير على الصور الجميله
شكل الطعوس عندك يغري الجيوبه من بعيد ..
الله يديم عليكم هالطلعات والفرحه والوناس والمكابيس
تحيااااتي

[فتي المقام]

وعليكم السلام ورحمة الله وبركاته
ماشاء الله عليك اختي عبير , كل يوم طالعه مكان
مكان حلو و صور حلوة و اكيد المرق أحلي

[الفهد]

يعطيج الف عاافية اختنا ، بنت بطوطة ههههههه رحلة جميلة والصور ، وحده احلى من الثانية

عساج على القوة

[عبير دبي]

الله يعافيكم ويحفظكم من كل شر

تسلمون على الحضور وماقصرتوا

صدقت ياخوي الفهد بنت بطوطة كل يوم بتشوفني مجبله لمكان ههههه

[محمد العنزي]

صور جميله أرجعتني بالذاكره الى سنين بعيده!!
أعادتني الى تلك الايام الخوالي عندما كنا في الباديه في بيت الشعر ...
لكن صحارينا لاتوجد بها مثل هذه الطعوس الرمليه
آآآهـ كنا بعيدا عن هموم الحياة وبعيدا عن الحضاره المزيفه ...
عبير دبي .....................
ياليتني بالباديه ماتحضريت !!! ولاعرفت المدن واللي سكنها
ليتي مع الادباش ان رحت وان جيت !!! ليت الغنم والأبل مارحت عنها