ليش البنت رغم انها ماكانت تتعدى ال 15 سنه بعمرها لكن كانت تشيل البيت كامل وبنات الحين لا
ليش البنت رغم انها ماكانت تتعدى ال 15 سنه بعمرها لكن كانت تشيل البيت كامل وبنات الحين لا
بصراحه
لانه ماكان فى دش وقنوات وافلام تركية
لانة ما كان فى مكيفات
لانة ما كان فى شغالات وهذا العذر الاهم والسبب فى خراب البيوت
لانة الام هى الى كانت تربى البنت هب الشغالة
لانة البنت تستحى من ابوها
لانة البنت ما كانت تبحث عن الصالونات
اكملوا انتو
مع احترامى للجميع ونا مقصد جميع العرب لكن مطلوب هنا الصراحه
احسنت اخوى فتى خورفكان
مع التحية
بنات الحين ميفكراً مثل بنات اول
الحين البنت تمشي علي الموضة شو الجديد نازل تتريا الخدمه تيب لها اقلص الماي و تشيل شنطتها و تمشي وارها
يبن يدرسا و يشتغلن اذا كان ارجل قادر ليش تشتغل و تترك عيلها علي الخدمه تربيهم
اما بنات اول تعتمد علي نفسها تتعلم الطبخ و خدمه البيت الخياطة و تروح ورا الهوش و تيب الحطب و الماي
لو معندها ام تروح تشوفو تتعلم عند جارتها او مرت عمها او مرت خالها او احد اقربايها حتي تتعلم منهم و تكون ربت بيت صالحه
و كانت تمشي و تستحي من ظلها حتي الناس يتكلمون عليها بالخير و يقولن هذي البنت الثقيل و الزينه
و الام تعتمد عليها في شون البيت تربي اخوانها اذا كانت الام غير موجودة
لي رجعة
يعطيك العافيه اخوي ويا مرحبا بك انا اشوف انا لكل زمان وطره وناسه حيث ما اريد اظلم بنات اليوم البنت قبل غير واليوم غير البنت قبل صحيح انها تعمل وتساعد في اطار المنزل وعمل العائله هذا لانه لم يكن تعليم ودراسه وتطور وتقنيات ودواير انا اشوف عمل البنت او المرأة اليوم لو قسناه لوجدناه عظيم المرأة اليوم معلمه البنت اليوم مدرسه ودكتوره ومساهمه قويه في المجتمع لو نظرنا من هذا المنضور لوجدناها مساهماتها اكبر من عمل البيت والطبخ والنفخ طبعاً المرأة قديماً ينظرب بها المثل في الصبر واليوم في هذا الزمان ايظاً المرأة لها وجود واضح غير القليل منهن في السابق والحاظر اما عن الراحه والشغالات والرفاهيه فهذي نعمة الله علينا ونحمد الله عليها ونشكره انا طبعاً ضد الاعتماد الكلي على هذي الامور لكن والله اليوم المرأة مساهماتها كبيره لو قسناها بزمان اول اليوم المرأة تساعد الرجل مثل ما كانت المرأة زمان تساعده في الحصاد والرعي اليوم المرأة لو توفى زوجها تدير اسره وتربي ابنائها ولا تمد يدها للاخرين هذي هيا المرأة نفسها لكن اختلفت المهن واختلفت الحياه واختلف الزمان فشكراً وعرفان لجداتنا وامهاتنا في الماضي وشكراً لاخواتنا وبناتنا في الحاظر وشكراً لك اخوي على هذا الطرح
اممم
من بعد رد مديرنا الرحال ماكو رد ردك وافي و ماظلمت احد.. بسء حبيت اعلق على الموضوع..
والله حلو اذا البنت تأدي حقوقها وواجباتها بشكل كامل ..
يعني متطلبات الحياة اكثرت وصار الريال يحتاج الزوجة الموظفة يعني يترتب عليها بهالحالة واجبات منزلية ووظيفية
ووايد بنات قايمين بهالاشغال على اكمل وجه بالرغم من شغلها..
ولو الريال بمجتمعنا يعاون زوجته شوي ويكملون بعضهم وتصير الحياة الزوجية تعاون بينهم جان ماحسينا بالفرق..
وعلى طاري الصالونات ترى اذا ماتعدلت ولا تكشخت قلتوا مهملة ومو مرتبه وعرس عليها ريلها ماعرفنالكم صراحه..
ولازم البنت تهتم بعمرها بكل الاحوال ولانقط اغلاطنا على القنوات ولا الصالونات ترى الغلط في الانسان نفسه..
والله هالحريم كله مظلومات وهالرياييل مايعجبهم شيء..
ومااحس في فرق بين ام اول والحين .. اكبر مثال امي تشتغل وقايمة بامور بيتها وربت عيالها..
باختصار البنت على حسب البيت اللي اطلعت منه شنو عودها وشنو رباها راح تطبقه باسرتها اليديده..
وداعاً أيها البطلُ ... لكل شهادةٍ أجلُ
تودعك المدامعُ يا... أخا الثوار والمقلُ
تودعك الفيافي والـ... القوافي حين ترتجلُ
(سلامٌ كله قُبلُ... كأن صميمه شُعلُ)
تودعك المساجدُ إن... أبت توديعك الدولُ
Im back
أحرجتني طال عمرك ..
أتوقع الرد عند الخدم بالبيوت هههه
أشكر ياالغالي ع الطرح*
https://www.youtube.com/watch?v=hitCEEsz-DQ
أنا خوي الليل والذيب أخاويه
لما حسبت أدروبها مع خطرها
أمشي ظلام الليل وأقصر خطاويه
هذي حياتي ثم هذا قدرها .
أشكركم عالردود
أولا كان طرحي للنقاش وليس لتبين نقص في أمهات اليوم لأن من أمهات اليوم من هي بألف رجل
وأنا مع الأخت جويرية دبي بكل كلامها
لكن كان طرحي كالتالي
الأم قديما تتعب طول اليوم من الفجر تخبز وبعدها تحطب وتجيب الماء للبيت وترتب البيت وتطبخ الغدا وتربي عيالها وتجهز العشاء وتخبز وتنوم عيالها وعمرها ما قالت لزوجها تعبانه
والأم اليوم بس تقوم من النوم للدوام وبعدها تتغدا وتنام وتقوم تسولف ويا ربيعاتها ولا تطلع تتسوق وترجع تتعشى وتشوف المسلسل وبعدها تقول تعبانه
((( خل نتكلم بصراحة هل الرجل بدأ يفقد إحساس الأنوثة في زوجته ؟؟؟ )))
واسمحوا لي على الموضوع وجراءتة
بصراحه بعد هاي الردود مافي رد يكفي بعد ... وأخوي الرحال ماقصر عجبني رده ..
بالنسبه لبنت اليوم على حسب البيت الي أهي فيه فيه بيوت فيهم خدم بس هم البنت تتعلم وتدخل المطبخ ونستقبل
ضيوف وتعرف واجبات البيت .. مب أعتماد كلي على الخدم .. أما الخدم طبعا من زمن لزمن غير يعني لو كانوا في نفس
الزمن الماضي بيستون نفس أول وهم حريم أول لو عاشو هذا الزمن بيستون مثل حريم الحين ..
عن نفسي عشت الزمنين زمن ماقبل الخدم وزمن الخدم ..
بس الحين تدريس العيال وتلبية حاجاتهم برع البيت يتطلب وجود خدامه للمساهمه في شغل البيت وغير عيال الحين مب
مثل قبل ... شكرا ياخويعلى طرحك للموضوع وبارك الله فيك
رفاق الخير (هم )..
تصطفيهم عن غيرهم.. صادقون هم معك..
يمرون كنسمة فجر ندية.. يزينون دنياك بأشياء عطرية..
تتمنى الكثير لهم .. ولا تعرف لما الحب دوما باتجاههم..
ومع بزوغ الفجر ونبض النهار .. لا تملك إلا الدعاء لهم..
الذين يشاهدون الموضوع الآن: 1 (0 من الأعضاء و 1 زائر)