طباخ عيش الظبيانية

[عبير دبي]

بسم الله الرحمن الرحيم


السلام عليكم ورحمة الله وبركاته


هلا ومرحبا الساع بالجميع ...

البعض بيقول طباخ العيش سهل ومايبي شي صح هذا الشي , بس البعض يقول ماعرف كيف يطبخون العيش ..

وهم من طباخ لطباخ يفرق يعني أنا طبخت العيش والظبيانية طبخت العيش وغيري طبخ عاد تعالوا أكلو من العيش يختلف

يعني كل طبخة والها مزة ...

وهذا طباخ عيش الظبيانيه على الحطب في المزرعة ..


















بالعافية على الجميع والله يعطيج العافية يا أختي وغاليتي الظبيانية زدنا 5 كيلو في هاليوم منالطباخ الزين

ههههههه ..

مع السلامة وأشوفكم على خير أن شاء الله ...

[بوحمدان الخالدي]

ماشاءالله يبالنا نجرب طبخة الظبيانيه

يعطيكم العافيه خواتي البيانيه و عبير دبي على المجهود الرائع

[الخياط]

ما شاءالله
اولا نوعية العيش تساعد
وثانيا صح مثل ما تفضلتى هب كل شخص يجيد طبخ العيش
وتنقيع العيش له فترة زمنية او وقت محدد لا تزيد ولا تنقص ومنهم من يلين
او يضع العيش فى الماء دقائق معدودة ولهذا السبب لن يكون العيش فى مرتبة الطبخ الصحيح وكما رأيناه فى الاعلى او الصور الى كان مرتب ومظبوط وتسلم ايد من طبخ هذا العيش
اخت الظبيانية واخت عبير ما عليكم زود
احسنتم على الطبخ اللذيذ يا اخوات
مع التحية

[عبير دبي]

ياهلا ومرحبا فيك يا أخواتي وبارك الله فيكم على تواجدكمالرائع

فعلا ياخوي نوعية العيش تساعد لو العيشه مب زينه ماتنطبخ عدل ولا تكون حلوه

هذي العيشه مب سنارة ولا بسمتي هذا العيش يسمونه عيشة يوسف

منورييييييييييييييييييييييييين

[كحيلآن الحمادي]

تسلم ايدج أختي عبير على المعلومات عن العيش
والشكر موصول لأختنا الظبيانيه على هالطباخ الزين ..
وفي نظري أن بعد نوعية العيش النار لها دور ف الطبخ
وأحلا عيش ذقته بحياتي هو اللي ينطبخ على الحطب ..
تحيّااااتي للجميع ...

[وليد جابر آل بوخلف]

شكله مغري شكرا اختي عبير دبي على الموضوع الطيب

دومج مبدعه و الله يعطيج العافيه على عطائج الدائم و المستمر

[فتى خورفكان]

تسلم يد من طبخ ومن ساهم في وضع المشاركة
وأنا اقول الطبخ عالحطب بروحة لة مزة غيييير
وجو الطبخ خارج البيت له طعم ثاني
وأنا من شفت الصور كرهت البرجر الي كلته قبل شوي
وقام لعابي يسيل وقلت بقلبي نحنا الشباب نطلع كشتات ونطبخ ويطلع العيش اقرب للعرسية ونقول وش حلاته
فما بالكم لو طلع العيش نثري مثل الي بالصورة
الظاهر بحط صورة الجدر خلفية للديسك توب عندي
وربي يعطيكم العافية مره ثانية وإذا طبختي مرة ثانيه عالحطب يالظبيانية
طرشي لنا صحين صغير ولا ترا نحنا بعد راضين حتى بالعلاقة أو الحاكوكه او الحراقة من أخر الجدر

[عبير دبي]

هلا وغلا ومرحبا بالجميع منورين الموضوع

أن شاء الله المره اليايه بنطبخ جدر كبير وبنوزعه على الأعضاء كلهم يستاهلون

تسلم يمناكم على الردود

[الظبيانية]

عبير المساعدة لي اقولها يبي لي ملس او مشخله تيب عاد العذا علي و العشاء علي عبير دبي هي مجهز كل شي المشاوي و العصاير و الخبز و الحلويات


هذي بسبوسة عبير




و هذا المشاوي



اشكرج اختي الغالية ام يوسف علي الموضوع

[عبير دبي]

العفو يالغالية كلنا نكمل بعض ...

تسلمين على الحضور والطرح وماقصرتي