قصص من جزيره جسم
السلام عليكم
كل ما اكتبه هنا سمعته من يدي و من شيابنا
من قصص جسم
اذا بلغت البنت 12 سنه منعت من الطلوع من البيت لين تتزوج و طبعا الزواج كان مبكر عندهم مثل ما تقول يدتي ان يدي خطبها و هي تلعب ويا ربيعاتها خخخ
اغلب هل جزيره كانو معاندين حكومه ايران فاذا الحكومه قالت شي هم رفضو حتى وقت كشف الحجاب ام يدي سارت مركزالشرطه وياها حريم الجزيره و دخلو على الضابط و هن لابسات براقع و حجاب و قالو له مب ع كيفك تكشف ويوهنا و نحن بنلبس الحجاب و البرقع و اذا فيك خير امنعنا عقب ام يدي ظربت الطاوله بايدها و طيرت اوراق الضابط و فرفرتهم ع الارض و طلعت - الله يرحمها كانت عن رياييل -
و بعد من ادله العناد ان حكومه ايران امرت بالقاء القبض على الشيخ علي بن محمد القاسمي و هو كان من اخر الشيوخ في قريتنا و يو عدد من السرباز - العساكر - و خذو الشيخ و ربطوه و بغو يودونه برع الجزيره فسار يد يدي الي اسمه محمد احمد و ربط جذع نخله ع ظهره و يلس يلحق السرباز و هو يصرخ اذا ما فجيتو الشيخ بكسركم واحد واحد فما كان منهم الا انهم فجوه و شردو ههه
كانت حياتهم كلها فالبحر و ما عندهم رزق ثاني غير البحر و مره من المرات يدي من امي كان يبا يسير الهند اظن عسبت يتاجر و لا شي فيو عندهم السرباز و قالو له ما تسير بس جي كيفنا و تقول يدتي انهم كانو يبون رشوه ف يدي قال حق البحاره الي وياه بالفارسي ( طلعو التفك خلونا نجتل ها الحراميه ) و من قال ها الجمله و لا الرداوه - جمع ردي - يتشاردون الله يرحمه قالها عسبت يزيغهم و هم ما كان عندهم لا تفك و لا شي بس بضاعه مغطايه يبون يتاجرون فيها
و يوم يو بعض العوايل من جسم و هم شاردين من حكومه الظلم و وصلو الامارات استقبلهم الشيخ صقر بن محمد القاسمي و هو يقول للي وياه هذيل هلي هذيل هلي حي الله اهل جسم و خلاهم يسكنون فقصره لين ما حصلو بيوت
كان عندهم واحد اسود و يلبس قماس اسود فوق عورته و يدهن جسمه بزيت و يدخل البيوت و يسرق و محد كان ايوده لان جسمه لزج لكن في ناس كانو يحطون له الاكل عسبت ياكل و تقول يدتي انه انسان بدائي لكن ولد منو و من وين يا محد يعرف !
يقول واحد من شيابنا انه كان ساير البحر ويا بعض الشباب و هو كان اصغرهم و ان عمره كان تسع ولا عشر سنين و هم صوب البحر يحدقون من السيفه و لا شي اسود يركض فوق الماي و ياي صوبهم كلهم شردو و هو كان اصغرهم و كان خايف و يوم سالته شو كان هذا الشي الاسود قال لي ( غلوم دريا ) و هو نفسه حسب كلامه بابا دريا الموجود في تراث الامارات و هذا الشخص ثقه و انا اظمن انه ما يجذب
في وااااااااااااااااااااااااايد قصص و وااااااااااااايد سوالف لكن بكمل بعدين
اتمنى ان ينال الموضوع على اعجابكم
دمتم بود
رد مع اقتباس
